នៅទីនេះ យើងប្តេជ្ញាចិត្តក្នុងការបង្កើតសហគមន៍មួយដែលប្រកបដោយភាពស្និទ្ធស្នាល សាមគ្គីភាព ការយោគយល់ទុក្ខធុរៈគ្នា ការកសាងអនុស្សារីយ៍ និងសកម្មភាពជាប្រចាំថ្ងៃជាមួយគ្នា នៅក្នុងសួនធម្មជាតិពណ៌បៃតងដ៏ស្រស់បំព្រង។

មិនត្រឹមតែផ្ដល់សោភ័ណភាពដល់ចក្ខុអារម្មណ៍ រចនាបថនៃលំនៅឋានត្រូវបានសម្រិតសម្រាំងឡើងដោយការរួមបញ្ចូលគ្នានៃភាពច្នៃប្រឌិត ប្រណិតភាព ភាពស្ថិតស្ថេរ គង់វង្ស ជានិរន្ដរ៍។

នៅគ្រប់កាលៈទេសៈទាំងអស់ ការគណនាបច្ចេកទេស ការគោរពបទដ្ឋានសុវត្ថិភាព និងការប្រើប្រាស់សម្ភារៈដែលមានគុណភាពព្រមទាំងស្ដង់ដារជាទីទុកចិត្ត គឺជាគោលការណ៍ដែលក្រុមវិស្វកររបស់យើងប្រកាន់ខ្ជាប់ដោយយកចិត្តទុកដាក់អស់ពីកម្លាំងកាយចិត្ត ដើម្បីធានាសាងសង់នូវលំនៅឋានដ៏ល្អឯកជូនអតិថិជន។

ការកសាងសហគមន៍ដ៏កក់ក្ដៅមួយ ដែលបំពាក់ដោយប្រព័ន្ធសុវត្ថិភាពទំនើបៗជូនអតិថិជនគឺជាគោលដៅរបស់យើង។ ស្ថានីយ៍ពន្លត់អគ្គិភ័យ និងប្រព័ន្ធគ្រប់គ្រងច្រកចេញចូល នឹងមានវត្តមានជាស្រេចនៅក្នុងបរិវេណបុរី ដូច្នេះអតិថិជនអាចមានទំនុកចិត្តក្នុងការរស់នៅ ដោយមិនចាំបាច់ព្រួយបារម្ភពីបញ្ហាអសន្ដិសុខឡើយ។

លំហពិតជាមានសារសំខាន់ដែលជម្រុញឲ្យមានផាសុកភាពក្នុងការរស់នៅ ហេតុនេះហើយ យើងធានារក្សាបាននូវលំហដ៏ធំទូលាយជូនអតិថិជន។ គម្លាតពីលំនៅឋានទៅកាន់ដងផ្លូវ និងគម្លាតរវាងលំនៅឋាននីមួយៗ ព្រមទាំងទំហំផ្លូវ ត្រូវបានសិក្សានិងសាងសង់យ៉ាងម៉ត់ចត់ ដើម្បីឲ្យលំនៅឋានក្លាយជាទីមនោរម្យ លើសពីជញ្ជាំងដែលហ៊ុំព័ទ្ធដោយរបង។

ការគិតគូរដល់សុខភាពផ្លូវកាយ ផ្លូវចិត្ត និងភាពសុខដុមរមនារបស់អតិថិជននៅក្នុងសហគមន៍ មិនអាចកើតឡើងបានឡើយ ប្រសិនបើអវត្តមាននៃការផ្ដល់ជូននូវបរិក្ខារដ៏សំបូរបែប។ សួនបៃតងធម្មជាតិដែលមានទំហំធំ ក្លឹបហាត់ប្រាណ អាងហែលទឹក ទីធ្លាសម្រាប់សកម្មភាពជួបជុំផ្សេងៗ នឹងស្ថិតនៅក្បែរលំនៅឋានរបស់អតិថិជន រង់ចាំជួយកាត់បន្ថយភាពនឿយហត់ និងភាពតានតឹងរបស់អតិថិជនគ្រប់ពេលវេលា បន្ទាប់ពីការបំពេញកិច្ចការងារពេញមួយថ្ងៃ។